InicioM.ambiente e PatrimonioEcoloxistas piden evitar batidas en Xove e resarcir aos gandeiros afectados polo...

Ecoloxistas piden evitar batidas en Xove e resarcir aos gandeiros afectados polo lobo

Franz Weber cre que «o exterminio local» do cánido «non é a solución» aos problemas de convivencia entre o ser humano e a fauna salvaxe

Publicada o

- Advertisement -

A Fundación animalista Franz Weber mostrou o seu «rotundo» rexeitamento á posibilidade de autorizar batidas contra o lobo no municipio de Xove e pediu axudas para os gandeiros afectados polos ataques dos cánidos.

«O exterminio local dese carnívoro non vai rematar cos problemas de convivencia coa fauna silvestre», expuxo a entidade ante unha situación denunciada tanto por gandeiros como pola propia alcaldía.

Franz Weber reclama que se intensifiquen as medidas de prevención e insta á Xunta de Galicia a «paliar de forma digna» as perdas que poida ocasionar o impacto dos animais na agricultura e na gandería.

Segundo a fundación, a normativa autonómica, do 2008, está «desfasada». Así, reclama á Xunta que colabore con «campañas de sensibilización» a desmontar «crenzas» sobre a abundancia do lobo que considera sen fundamento.

Neste sentido, Franz Weber insta a evitar o «vergoñento desenlace» acontecido en Friol no ano 2017, cando nunha batida autorizada «tras presións similares ás de Xove» os cazadores tirotearon «un can presumiblemente abandoado».

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...