O Servizo Galego de Saúde (Sergas) recomenda non bañarse en sete praias costeiras da Mariña Lucense, segundo os resultados das analíticas de contaminación microbiolóxica realizadas.
Trátase dos areais de Sacido (Viveiro), pechado de forma temporal por ter unha clasificación sanitaria insuficiente, e Rueta (Cervo), Arealonga e A Pampillosa (Foz), Arealonga (O Vicedo) e O Cantiño e Ril (Burela), se ben nestes dous últimos casos o Concello informou no mediodía deste mércores de que no último test da Consellería de Sanidade, realizado nas últimas horas, a calidade das augas resultou “excelente”, pois a “situación temporal” de presenza de enterococos intestinais e escherichia coli dos referidos areais “finalizou ou cesou”.
"O Servizo de Medio Ambiente do Concello de Burela procede a informar a todas as persoas usuarias das Praias de Ril e O…
Publicada por Concello de Burela en Lunes, 17 de agosto de 2020
Deste xeito, sinala a concelleira de Medio Ambiente, Toñi Eijo, o baño nestes areais “non representa risco algún para a saúde humana”, tras dúas xornadas de contaminación temporal.
O AREAL FLUVIAL DE TRONCEDA TAMPOUCO SUPERA OS TESTS
No tocante ás praias fluviais, tampouco superou os tests realizados a do río Tronceda, na área recreativa Coto da Recadeira, en Mondoñedo.
