O municipio de Barreiros é o segundo de Galicia que menos hectáreas queimadas padeceu nos últimos 15 anos, segundo o informe “Influencia de la realidad socioeconómica de Galicia en la dinámica de producción de incendios forestales”.
Os municipios con menor número de hectáreas queimadas durante este quince anos foron Mugardos (A Coruña), con 3,3 hectáreas, Barreiros en Lugo, con 4,4, e Cabanas (tamén na provincia coruñesa). Que teñen estes concellos para ser onde menos arde de Galicia? Todos eles están nas provincias do norte de Galicia, dispoñen de menos hectáreas forestais en comparación cos municipios máis afectados, e por último, a provincia de Lugo conta coa maior superficie forestal xestionada para produtos madeireiros.
No tocante ao coeficiente de héctareas por incendio, só por detrás de Cambados (Pontevedra) e Mugardos, con 0,15 hectáreas por lume, está Barreiros, con 0,18. O municipio onde o cociente alcanza un valor máis elevado ao longo destes quince anos foi en Cerdedo (37,5), en Pontevedra, seguido por Ribeira de Piquín (32,3), en Lugo. Le a información completa no Galicia Confidencial.