InicioM.ambiente e PatrimonioA Xunta compromete 1,4 millóns para os danos do xabaril e o...

A Xunta compromete 1,4 millóns para os danos do xabaril e o lobo nunha reunión cos alcaldes do Xistral

A conselleira de Medio Ambiente avanzou un aumento das axudas para paliar as consecuencias da fauna silvestre nun encontro cos rexedores de Abadín, O Valadouro, Ourol, Muras e Xermade

Publicada o

- Advertisement -

A conselleira de Medio Ambiente, Territorio e Vivenda, Ángeles Vázquez, comprometeu este luns axudas por un importe de 1,4 millóns de euros para paliar os efectos que ocasionan o xabarín e o lobo.

Fíxoo nunha xuntanza cos alcaldes dos municipios do Xistral, que se uniron para reclamar solucións para os problemas que vive a gandería da zona, na que predomina a libre estabulación.

Os rexedores de Abadín, O Valadouro, Ourol, Muras e Xermade espuxeron a situación “desesperada” dos gandeiros, que ven como o número de cabezas de gando cabalar na zona está a minguar polos ataques do cánido.

Ademais, os alcaldes resposabilizan ao xabaril de danos nos cultivos e de ser “portadores da tuberculose que está a afectar ao gando vacún”, segundo expón o alcalde do Valadouro, Edmundo Maseda.

CONTÍAS

A conselleira afirmou que no 2019 habilitaranse novas liñas de axudas polos danos causados polo xabarín -cunha dotación de 800.000 euros-, polo lobo -cun orzamento de 350.000– e para a prevención dos danos ocasionados pola fauna silvestre -por 300.000 euros-.

AVALIACIÓN DE DANOS

Os alcaldes centraron a súas reivindicacións en tres cuestións. En primeiro lugar, a necesidade dunha elasticidade á hora de avaliar os danos causados polo lobo.

A comunicación ten que ser como moi tarde 24 horas despois do ataque, e ti non vas todos os días visitar o gando ao monte. Ademais, os restos non duran porque hai voitres ou outras especies que poden levar os cadáveres”, explica Maseda.

PECHES E MASTÍNS

Os rexedores tamén incidiron na necesidade de traballar coa Consellería de Medio Rural para incrementar a contía das axudas para a prevención dos ataques, como o levantamento de peches ou a compra de mastíns.

CENSO

Finalmente, os alcaldes do Xistral reiteran a necesidade dun censo de lobos que permita, “con números”, decidir as medidas a tomar.

“DISCRIMINACIÓN POSITIVA”

Os rexedores cren que é necesaria “unha discriminación positiva” para os habitantes que sofren as consecuencias dunha riqueza faunística que ninguén cuestiona.

“Temos que convivir, bestas, lobos e seres humanos. O Xistral é o hábitat de todos”, conclúe Maseda.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...