Atopan unha quenlla peregrina apodrecendo nun vertedeiro en Navia

O animal morreu varado nunha praia.

Quenlla peregrina apodrecendo nun vertedeiro de Navia / remitida

Unha quenlla peregrina no medio dun vertedoiro. Aí acabou este animal que varou hai uns días en Navia, segundo denuncia o coordinador de CEPESMA, Luís Laria, que advirtiu de que o corpo está xa en descomposición á beira duns colectores.

Laria denunciou que ninguén fixo nada e o exemplar terminou varando e morrendo. “Logo si que o recolleron para botalo á beira duns colectores de reciclaxe e parece que non é a primeira vez que fan iso”, critica. “O máis razoable sería abrilo e facerlle unha autopsia para coñecer as causas da morte”, engadiu sobre unha especie que está protexida.

O ecoloxista tamén apuntou que non é estraño atopar algunha quenlla peregrina pola zona, tanto na costa asturiana como na zona da Mariña, con avistamentos de 3,5 quenllas peregrinas ao ano. Ás veces están de tránsito e outras terminan atrapados nas artes de pesca.

RESPOSTAR

Please enter your comment!
Please enter your name here