InicioMovementos SociaisUns 150 veciños reclaman ao Sergas que cubra a pediatra de Xove

Uns 150 veciños reclaman ao Sergas que cubra a pediatra de Xove

A Xunta dispuxo tres horas á semana de servizo e a plataforma sanitaria alertou de agardas "dun mes" para nenos con febre

Publicada o

- Advertisement -

A Plataforma na Defensa da Sanidade Pública da Mariña recolleu este mércores no centro de saúde de Xove 150 reclamacións de veciños que piden que se substitúa á pediatra, de vacacións desde o pasado 20 de febreiro ata o vindeiro 20 de marzo.

Os asinantes demandan a substitución a tempo completo da especialista sempre que se produza a súa ausencia, sexa por baixa ou por días libres.

Segundo expuxo a plataforma, o Servizo Galego de Saúde (Sergas) só habilitou o servizo “tres horas á semana os martes“, cando no mes de marzo hai dous festivos que se celebrarán este día.

Esta situación, denunciou o colectivo, provoca agardas “dun mes” para nenos con febre tanto de Xove como de Cervo e obriga aos pais a desprazarse a Burela para que os seus fillos reciban atención pediátrica especializada no caso dunha urxencia.

Por momentos houbo colas para asinar a petición. AXM

O BNG CRITICA AO CONCELLO

O BNG xovense apoiou a reivindicación do colectivo sanitario para afirmar que “desde o PP de Xove estase a facer todo o posible para agochar a desastrosa xestión da Xunta de Galicia de Núñez Feijóo, neste e noutros asuntos de enorme impacto sobre o benestar da nosa sociedade”.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...