Os coidados da familia levan nome de muller. Trátase dun labor que se deu por feito que lles correspondía a elas e que ás veces “pesa coma unha lousa: “levas o traballo, levas a familia e levas a vida”. María, Maricarmen, Charo e Yolanda toman aquí a palabra para se reivindicar: “chega un punto en que me esquezo totalmente de min, esquézome de ir aos médicos, de ir a tal sitio…”.
Os coidados son a causa principal pola que as mulleres se ven obrigadas a reducir as horas do seu traballo ou, directamente, abandonalo. Este domingo, diversos actos e unha manifestación unitaria en Foz, ás 12.00 horas, reinvidicarán o reparto destas tarefas. Podes ler a reportaxe completa de Uxía Iglesias nesta ligazón do Galicia Confidencial.