Os xubilados da Mariña Lucense volveron este luns ás rúas. Colectivos de pensionistas de Barreiros, Mondoñedo, Lourenzá e Ribadeo concentráronse nesta última localidade para secundar a convocatoria do Movemento Galego pola Defensa do Sistema Público de Pensións (Modepen).
Os pensionistas reclamaron que a prestación suba de acordo ao Índice de Prezos de Consumo (IPC) e lembraron cos seus carteis que as prestacións “dignas e con poder adquisitivo” son “un dereito“.
CÁLCULO POR PROMEDIO
Os xubilados rexeitan que o importe da pensión se calcule por un promedio entre o salario medio, o IPC e o Produto Interior Bruto (PIB) do país.