InicioEconomíaContinúa a campaña dos obreiros de Alcoa, que enchen San Cibrao de...

Continúa a campaña dos obreiros de Alcoa, que enchen San Cibrao de lazos azul eléctrico

O comité ultima as alegacións a presentar ao estatuto das electrointensivas, que considera "insuficiente" para garantir a continuidade da planta de aluminio

Publicada o

- Advertisement -

Os traballadores de Alcoa continuaron este venres en San Cibrao coa campaña de visibilización da situación da planta de aluminio do complexo industrial de Cervo, que a multinacional ameaza con pechar coas actuais condicións da enerxía eléctrica.

Tras comezar a campaña o pasado venres en Xove, os obreiros da alumineira colocaron en varias zonas da vila sancibrense os lazos de cor azul eléctrico cos que pretenden reclamar a atención sobre a posibilidade dun recorte no emprego de non establecerse un marco enerxético estable para as grandes consumidoras de electricidade.

Segundo o comité de empresa, o borrador do estatuto das electrointensivas presentado polo Goberno central non “resolve o problema”. Os sindicatos calculan que as medidas propostas rebaixarán o prezo da luz como máximo en 12,5 euros/MWh, unha reducción 4,5 euros menor con respecto á acadada en 2019 coa poxa de interrompibilidade, mecanismo que o Executivo pretende eliminar.

Obreiros das antigas fábricas de Alcoa en Avilés e A Coruña, pertencentes agora ao fondo suízo Parter e á espera de poder rearrincar as series de electrolise, así como as grandes centrais sindicais –CC OO, UGT e CIG-, a Xunta de Galicia e mailo BNG tamén coincidiron en afirmar que o documento presentado é “insuficiente” para garantir un prezo da enerxía estable e competitivo á gran industria. O comité e as centrais sindicais anunciaron alegacións ao borrador do estatuto.

Este venres, CC OO chamou á mobilización o vindeiro 10 de marzo, Día da Clase Obreira Galega, a prol dunha tarifa eléctrica máis barata para as electrointensivas.

AS ELECTROINTENSIVAS, EN SILENCIO

Polo de agora, tanto Alcoa como a Asociación de Empresas de Gran Consumo de Energía (Aege), á que pertence a multinacional xunto a outras 16 entidades, non se pronunciaron publicamente sobre o documento, nin se espera que o fagan ao longo dos próximos días, segundo fontes das firmas.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...