InicioEconomíaObreiros de Alcoa e familias levarán o venres as protestas á Praza...

Obreiros de Alcoa e familias levarán o venres as protestas á Praza do Obradoiro

O novo acto reivindicativo por unha solución ao ERE presentado pola multinacional na planta de aluminio será de noite e os asistentes iluminarán a contorna da catedral de Santiago

Publicada o

- Advertisement -

Unha xuntanza familiar na Praza do Obradoiro de Santiago de Compostela, o vindeiro venres, 31 de xullo, será o seguinte acto reivindicativo convocado polo comité de empresa de Alcoa San Cibrao, a fin de reclamar unha solución para a planta de aluminio, onde a multinacional presentou un Expediente de Regulación de Emprego (ERE) que suporía máis de 900 despedimentos entre empregados da factoría e da industria auxiliar.

A reunión será de noite, de 22.30 a 00.00 horas, e os sindicatos piden aos asistentes que leven algún elemento luminoso para iluminar a praza. Os traballadores deberán levar chaqueta de traballo ou chaleco e casco. O comité prega que se manteña a distancia interpersoal de dous metros e lembra o uso obrigatorio de máscara.

A convocatoria prodúcese a menos dunha semana da conclusión do período de consultas do ERE, sen que na reunión do pasado martes houbese avances. Alcoa non dá credibilidade ao comprador concretado polo Goberno na mesa multilateral e mantense na posición de condicionar calquera venda á parada de cubas, medida que os obreiros consideran “a morte” da fábrica de aluminio.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...