IniciosociedadeO alcalde de Ourol reclama que se cubra a baixa do único...

O alcalde de Ourol reclama que se cubra a baixa do único médico do centro de saúde

Pajón deixoulle "recado" a través do teléfono ao conselleiro de Sanidade, "porque non é de recibo que un concello pequeno, cunha poboación envellecida e dispersa non dispoña de médico", explica.

Publicada o

- Advertisement -

O alcalde de Ourol, José Luís Pajón, reclamou ao conselleiro de Sanidade, Julio García Comesaña, que se cubra a baixa do único médico do centro de saúde. Segundo explicou o alcalde, trátase dunha baixa de dous meses e medio que deixou sen servizo o cento de saúde e se supliu “provisionalmente” coa incorporación dunha facultativa que permanecerá en Ourol ata finais deste mes.

Pajón xa se dirixiu ao xerente da área sanitaria de Lugo, A Mariña e Monforte, Ramón Ares, que lle dixo que “fará o posible por cubrilo, pero non prometeu nada porque non teñen persoal”. Ante esta resposta “ambigua”, o alcalde chamou ao conselleiro de Sanidade, Julio García Comesaña, e deixoulle “recado” a través do teléfono, “porque non é de recibo que un concello pequeno, cunha poboación envellecida e dispersa non dispoña de médico”.

José Luís Pajón apelou a que se trata dun concello rural, “envellecido, e esta situación non é nada boa para que veña xente aquí e os que hai non marchen”. Por iso, se non se resolve a veciñanza terá que ir a consulta ao municipio de Viveiro, porque a facultativa que teñen agora só permanecerá en Ourol ata o 28 de abril.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...