Conde visita Cervo para anunciar axudas de240.000 euros para o polígono de Cuiña

Servirán para a construción de beirarrúas na marxe dereita da vía de acceso principal ao polígono.

Pista de drons do Polígono de Cuíña. AXM

O vicepresidente económico da Xunta, Francisco Conde, visitou este xoves en Cervo o polígono de Cuiña, ao que o Goberno galego apoia con varias liñas de axudas para as empresas e emprendedores e en busca da captación de novos investimentos.

A Administración, segundo informa a consellería, achega 240.000 euros –case o 76%– dos 317.000 euros que vai investir este ano o Concello para a construción de beirarrúas na marxe dereita da vía de acceso principal, con canalizacións para soterrar nun futuro a rede de iluminación pública e o saneamento.

Este investimento tamén prevé a instalación dunha cuberta para tarefas de clasificación e separación de residuos do mencionado polígono. En total, desde 2009, as axudas autonómicas concedidas a Cervo suman, segundo a Xunta, máis de 831.000 euros e supuxeron mobilizar máis de 1 millón de euros.

RESPOSTAR

Please enter your comment!
Please enter your name here