InicioOccidentalCervoA Xunta afirma que é "responsabilidade do Goberno que se poida garantir"...

A Xunta afirma que é “responsabilidade do Goberno que se poida garantir” unha solución “definitiva” para Alcoa

Francisco Conde sostén que a Xunta "seguirá onde estivo sempre, á beira dos traballadores, traballando por unha solución definitiva".

Publicada o

- Advertisement -

O vicepresidente económico da Xunta, Francisco Conde, afirma que é “responsabilidade do Goberno que se poida garantir” unha solución “definitiva” para a planta de Alcoa en Cervo, tendo en conta que a oferta que trasladou a empresa ao comité este luns é “provisional”.

Neste sentido, en declaracións aos xornalistas nun acto en Monforte, Conde constatou “o fracaso do Goberno desde o punto de vista de política industrial”, tendo en conta que “non foi capaz de establecer un prezo eléctrico competitivo que poida garantir o mantemento da actividade”.

Á espera de coñecer “todos os elementos” da proposta da multinacional “para poder avaliala”, o vicepresidente económico da Xunta apelou a que Alcoa “poida concretar cales son as garantías desde o punto de vista dos investimentos industriais e dos investimentos enerxéticos”.A Xunta, subliñou, “seguirá onde estivo sempre, á beira dos traballadores, traballando por unha solución definitiva” para o complexo da Mariña.

Neste contexto, lamenta que se vaia “a producir o paradoxo de que Alcoa pretende deixar de producir aluminio primario” e haxa que importar os materiais primarios. Este feito, profundou, “é un fracaso e hai que traballar conxuntamente para que se poida atopar esa solución definitiva”, o que buscan, segundo incidiu, “traballadores e Xunta”.

Por iso, Francisco Conde cre que o Goberno “debería convocar de forma inmediata a todas as partes para poder traballar nesa proposta de Alcoa para ver se realmente vén acompañada de garantías e se se pode definir unha solución definitiva para dar certidumbre” ao persoal.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...