Tomé insta a Alcoa a “mover ficha”: “a empresa creou o problema”

Asegura ver disposición de diálogo no Goberno central para dar unha saída á crise que manteña os postos de traballo.

Varias persoas participan nunha concentración en conmemoración do ano de “loita” pola planta de aluminio e os postos de traballo de Alcoa San Cervo, na Praza do Concello de Xove, a 30 de maio de 2021, en Xove, Lugo. - Carlos Castro - Europa Press

O presidente da Deputación de Lugo, José Tomé, considera que a multinacional americana do aluminio Alcoa debe “mover ficha” respecto da planta de San Cibrao, en Cervo, xa que, ao seu xuízo, é a compañía quen “creou o problema e ela te que axudar a resolvelo”.

En declaracións aos medios este martes, o mandatario provincial incidiu en que a postura da deputación ante o problema da factoría de aluminio da Mariña é a “mesma desde o principio”. “Alcoa ten que mover ficha, ela creou o problema e ela ten que axudar a resolvelo. Polas noticias que nós temos, o Goberno de España está disposto (a buscar unha saída) desde sempre”, apuntou.

Con todo, apuntou que “unha cousa é estar disposto” e outra cousa “facer o que di Alcoa, que son cousas moi diferentes”. “Agora mesmo vese obrigada a moverse (a multinacional) porque non se saíu coa súa, tal e como pretendía”, aseverou Tomei. Segundo o mandatario socialista, o Goberno de España “está moi interesado nunha solución positiva para manter os postos de traballo e a empresa, baixo o nome que sexa e a figura xurídica que sexa”.

RESPOSTAR

Please enter your comment!
Please enter your name here