InicioOccidentalViveiroContinúa avanzando o xuízo polas gravacións da Maruxaina

Continúa avanzando o xuízo polas gravacións da Maruxaina

O avogado defensor cifra en 40 as mulleres que xa prestaron declaración.

Publicada o

- Advertisement -

Case a metade das máis de 80 mulleres gravadas durante as festas da Maruxaina de Cervo no ano 2019 xa prestaron declaración ante o xuíz de Viveiro que leva a investigación. O avogado da acusación popular, que exerce as colectivo ‘Mulleres en Igualdade de Burela’, José Manuel Oliveros, concretou que sobre “corenta” das 87 mulleres vítimas das devanditas gravacións, que nalgún caso foron subidas a páxinas porno, prestaron declaración.

Por tanto, confía que ao longo deste mes de marzo conclúa a fase de instrución, finalmente aberta por orde da Audiencia Provincial de Lugo despois do arquivo decretado en primeira instancia polo xuíz instrutor. “Produciuse presuntamente un delito contra a integridade e a integridade moral das persoas gravadas de forma subrepticia”, sinalou o avogado lucense, que suma a esta conduta “delituosa” que se instalaron “aparellos específicos para a gravación e posterior difusión en páxinas” de Internet.

Na mesma liña Oliveros expuxo que “o xuíz nun principio entendía que se estaba nun lugar exposto tal é a vía pública e non existía atentado contra a integridade”. “Nós sostiñamos o contrario e é que na zona onde se realizaron os actos existía un ámbito de intimidade que debía ser obxecto de protección, que é o que resolve a Audiencia Provincial de lugo coa revogación do arquivo”, concluíu o avogado.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...