InicioOccidentalCervoCervo quere manter limpo o seu litoral coa instalación de contedores para...

Cervo quere manter limpo o seu litoral coa instalación de contedores para o lixo mariño

O rexedor, Alfonso Villares, quixo destacar a importancia “de crear sensibilización e concienciación na xente para, por un lado, evitar que se verta calquera tipo de residuo ao mar e, por outro, manter os nosos areais limpos e así desfrutar deles en calquera época do ano”.

Publicada o

- Advertisement -

O concello de Cervo ven de colocar contedores de residuos mariños nos areais da Limosa, Cubelas, A Caosa e Portelo; onde aparecen, recurrentemente, residuos arrastrados polas mareas. Nestas infraestruturas poderá almacenarse calquera tipo de residuo que non se poida depositar en ningún dos outros contedores.

O alcalde, Alfonso Villares, a tenente alcalde, Dolores García Caramés, e a concelleira de medio ambiente, Mali Méndez, desprazáronse ata a praia da Limosa, unha das localizacións onde están colocados estes contedores, para comprobar de primeira man como a veciñanza xa está a facer uso deles.

Estes depósitos, que están feitos de materiais reciclados, forman parte do proxecto medioambiental “Ecoestruturas”, que gañou un áccesit de Salvamento Marítimo á mellor contribución ao “Objetivo Desarrollo Sostenible 14” hai uns meses.

Este proxecto consiste en reciclar diversos materiais, por exemplo botellas de auga ou palés, para a posterior construción de estruturas que sirvan como mobiliario urbano público, como poden ser os cubrecontedores, aparcabicicletas ou cinceiros ecolóxicos.

O rexedor, Alfonso Villares, quixo destacar a importancia “de crear sensibilización e concienciación na xente para, por un lado, evitar que se verta calquera tipo de residuo ao mar e, por outro, manter os nosos areais limpos e así desfrutar deles en calquera época do ano”.

“As políticas medioambientais e de reciclaxe son un eixo fundamental no noso goberno, como ben mostra, por exemplo, a colocación de cinceiros ecolóxicos durante o verán nas praias, ou a campaña que se activou fai tan só uns días para facer entrega de composteiros a domicilio” engadiu o alcalde.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...