O Concello de Cervo conmemora este 8 de marzo, Día Internacional da Muller, regalándolle a todas as traballadoras municipais unhas bolsas pintadas a man polas usuarias e usuarios da Asociación Saúde Mental A Mariña.
Con este agasallo, preténdese facer un pequeno recoñecemento á gran labor que as mulleres que traballan na administración local desempeñan no seu día a día.
Ao longo da xornada de hoxe entregáronselles estas bolsas ás 55 traballadoras que forman parte do plantel municipal, polos diferentes departamentos do Concello.