Unha praia do Vicedo, entre as mellores do Estado para un xornal inglés

O Daily Telegraph volve gabar a beleza "salvaxe" dos areais galegos.

Praia de Arealonga, no Vicedo. TURISMO DE GALICIA

O xornalismo inglés volve premiar a beleza das paisaxes galegas. Pouco despois de que o Daily Telegraph apuntara á Costa da Morte como o próximo destino favorito dos turistas británicos, o Telegraph -que non se trata, malia as semellanzas, do mesmo medio– vén de gabar a beleza das praias galegas ao situalas entre as máis destacadas de todo o Estado.

Así o apunta o diario británico nunha listaxe que recolle as 17 praias “secretas máis impactantes” de todo o Estado. O aprezo que o xornal británico profesa aos areais galegos queda manifesto no feito de que 4 desas 17 praias están na comunidade galega: trátase da praia do Portal –situada no concello de Cangas–, a de Arealonga, no concello lucense do Vicedo, a de Areagrande –na Costa da Morte– e a do Carro, en Ortigueira.

Delas destacan o impactante das súas paisaxes, pero tamén a posibilidade de desfrutar de marisco “que fai a boca auga” e viño “de clase mundial” nos seus arredores. As illas “paradisíacas” que describe o xornal británico altérnanse con esas covas “ocultas” que espertan, á súa vez, a fascinación deste diario inglés nun artigo que se suma á longa listaxe de louvas á costa e paisaxe galega.

Escribes na noticia un shortcode (cos corchetes) Please wait while you are redirected...or Click Here if you do not want to wait.

RESPOSTAR

Please enter your comment!
Please enter your name here