A Casa da Cultura do Vicedo acollerá este sábado 30 de novembro ás 7 da tarde unha charla moi interesante sobre as aves mariñas que podemos ver na comarca da Mariña e Ortegal.

Analizarase con especial atención ás aves da Illa Coelleira, como a historia de “Curricacha”, unha pardela cincenta anelada no proxecto de @ceidagalicia e na que, por exemplo, detectaron unha viaxe de 3100 km a comezos de setembro.

A charla será impartida por Serxio Paris, do CEIDA – Centro de Extensión Universitaria e Divulgación Ambiental de Galicia.