O Partido Popular (PP) de Viveiro anunciou a súa candidatura completa para as eleccións municipais do vindeiro mes de maio. O número 2 da listaxe dos conservadores viveirenses será o actual edil de deportes de Cervo, José Ramón Soto Martínez.
O cabeza de lista, Óscar Rodríguez, asegura que se trata dunha listaxe “sólida e comprometida” e agradece a “boa sintonía” entre os seus integrantes e as achegas que están facendo todos os compoñentes da candidatura.
Na candidatura, aínda que moi afastados dos primeiros postos, están o candidato ao Congreso por Lugo, Jaime de Olano, e a actual xefa territorial de Educación na Xunta de Galicia, Mariña Gueimunde. Quen non estará na lista é Celestino García Paz, concelleiro na lexislatura que está a piques de rematar.
A candidatura do PP viveirense é a seguinte: Óscar Rodríguez Blanco (1), José Ramón Soto (2), Teresa Pérez Rodríguez (3), Inma Nespereira Domínguez (4), Javier Teijeiro López (5), Antonio Lage Seara (6), Alicia Meitín Cordido (7), Vicente Vázquez Chao (8), Belén Corral Mera (9), David Piñeiro Rey (10), Valentín Mera Sánchez (11), Elena González Eijo (12), Magud Lara Aranda (13), Juan José Quelle Fra (14), María Luisa Soto Vázquez (15), Jaime de Olano Vela (16) e Marta Pérez Lage (17).
Felipe López Fernández, Carlos Martínez Fernández e Mariña Gueimunde serán os suplentes.
“REPRESENTA A VIVEIRO”
Rodríguez está convencido de que esta candidatura “é a que mellor representa a Viveiro e a que máis vai traballar para, unha vez no goberno municipal, desenvolver un proxecto de futuro centrado na veciñanza e na mellora da súa calidade de vida”.
