IniciosociedadeO Camiño do Norte chega a Austria: unha revista vai promocionar o...

O Camiño do Norte chega a Austria: unha revista vai promocionar o trazado

A Revista Autoturing austríaca dará a coñecer o percorrido logo das visitas guiadas a algúns dos puntos que atravesa como Ribadeo, Lourenzá, Mondoñedo, Viveiro, Sobrado dos Monxes ou Santiago de Compostela.

Publicada o

- Advertisement -

A Xunta organizou esta semana unha viaxe de familiarización en colaboración coa Oficina Española de Turismo (OET) en Viena para dar a coñecer o Camiño do Norte en Austria a través da Revista Autoturing, no marco do apoio de promoción á Raiffeisen Reisen, o touroperador máis importante do país austríaco.

O presstrip incluíu a visita a Galicia esta semana dun dos profesionais deste medio para divulgar a marca España Norte e o Camiño do Norte. Así, entre o luns e o martes, a visita incluíu varios dos puntos que percorre esta ruta xacobea, descubrindo o patrimonio e a natureza dos concellos de Ribadeo, Lourenzá, Mondoñedo, Viveiro, Vilalba, Sobrado dos Monxes e Lugo e rematando o mércores a viaxe en Santiago de Compostela. Entre o amplo programa de actividades, incluíronse visitas guiadas a atractivos turísticos como a illa Pancha, a Praia das Catedrais, o areal de Covas, a catedral de Mondoñedo ou Sargadelos, así como os cascos históricos de Ribadeo, Mondoñedo e Viveiro.

O Camiño de Santiago estase a reactivar e no que vai de ano chegaron a Santiago máis de 66.500 peregrinos, máis de 12.400 só neste mes de agosto no que a media de Compostelas seladas cada día supera o milleiro. No caso do Camiño do Norte son máis de 3.000 peregrinos desde xaneiro, unha ruta declarada Patrimonio Mundial pola Unesco en xullo de 2015 xunto co Camiño Primitivo baixo o nome Os Camiños de Santiago do Norte Peninsular.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...