InicioOccidentalViveiroClausura da X CAMOVI de Viveiro cualificada como exitosa polo Concello

Clausura da X CAMOVI de Viveiro cualificada como exitosa polo Concello

Dende o goberno local destácase o gran traballo realizado pola organización para poder levar a cabo esta carreira, nunha edición adaptada ás restricións sanitarias establecidas polo COVID-19.

Publicada o

- Advertisement -

Tras a celebración da X edición da CAMOVI, a Carrera por Montaña Montes de Viveiro, que tivo lugar o pasado domingo, desde o Concello de Viveiro quérese agradecer publicamente a todos aquelas persoas que fixeron posible que a proba resultase, un ano máis, un grande éxito.

Dende o goberno local destácase o gran traballo realizado pola organización para poder levar a cabo esta carreira, nunha edición adaptada ás restricións sanitarias establecidas polo COVID-19.

Non obstante, dende o Concello de Viveiro, recálcase que malia as circunstancias e de tratarse dunha edición máis reducida que en anos anteriores, foi posible sentir a esencia desta proba deportiva. Esta tradicional proba caracterizouse un ano máis pola dureza do seu percorrido pero, ao mesmo tempo, pola gran beleza paisaxística da contorna.

O goberno local inclúe no seu agradecemento o traballo dun centro de voluntarios quen, antes, durante e despois da proba colaboran coa organización para o seu desenvolvemento, cos traballos de montaxe e desmontaxe, na preparación das pistas, nas entrega de dorsais, nos puntos de avituallamento, entre outras tarefas.

O Concello de Viveiro suma ademais a súa felicitación aos 450 participantes desta edición polo dobre esforzo realizado, xa que á dureza da proba se sumou a calor do día de onte. O goberno local espera que os deportistas que participaran nalgunha das tres distancias establecidas 42, 21 ou 10 quilómetros puideran gozar da CAMOVI e volvan a Viveiro na vindeira edición desta proba.

Finalmente, dende o Concello de Viveiro quérese facer unha mención especial a Carmen, unha corredora invidente que xunto co seu guía, Felipe, participou na carreira de 21 quilómetros, un grande exemplo para todos de superación.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...