O Concello de Viveiro reclama unha reunión “urxente” coa dirección de Vestas

O Concello reclama a participación de empresa, Xunta, Goberno central e traballadores.

Manifestación na fábrica de Vestas de Chavín. AXM

O Concello de Viveiro remitiu o pasado venres un escrito ao vicepresidente 2º e conselleiro de Economía, Empresa e Innovación da Xunta, Francisco Conde, solicitando a convocatoria dunha reunión urxente en relación co anuncio do peche da planta de Vestas.

Tal e como se indicaba no escrito, enténdese que esa xuntanza debe convocarse á maior brevidade posible e que nela deberían estar presentes a Consellería de Economía, Empresa e Innovación; o Ministerio de Industria; a empresa; os representantes dos traballadores e o Concello de Viveiro.

Despois da importante reunión de hoxe entre o Comité de Empresa de Vestas e a Xunta de Galicia, como autoridade laboral competente para a tramitación do ERE, urxe a celebración dunha xuntanza entre todas as partes para esixir á empresa que reconsidera a súa decisión e buscar solucións alternativas.

RESPOSTAR

Please enter your comment!
Please enter your name here