InicioOccidentalViveiroPresentada unha demanda contra o ERE de Vestas en Viveiro

Presentada unha demanda contra o ERE de Vestas en Viveiro

Así o vén de apuntar o presidente do Comité de Empresa, que destaca a "mala fe" da compañía nas negociacións.

Publicada o

- Advertisement -

O presidente do comité de empresa da factoría de Vestas en Chavín, no municipio de Viveiro, David Mariño, informou de que os sindicatos presentaron demanda de nulidade contra o ERE en Vestas. Así, Mariño explicou que esa nulidade se reclama “en base á mala fe negociadora” que houbo por parte da multinacional “durante todo este proceso”.

Así mesmo, confirmou que se convocou a mesa industrial por parte da Xunta de Galicia para o próximo 9 de decembro en Santiago, á que se convidou á ministra de Industria, Reyes Maroto. “Esperamos, por encima de todo, algunha novidade porque está claro que agora estamos nun momento moi complicado e os traballadores necesitan unha actualización de como están as cousas a día de hoxe”, sostén.

Así, espérase unha “actualización” da situación, polo que se require “ter o nome dalgún interesado que traia unha actividade produtiva para a fábrica de Viveiro”. En canto á presenza de Reyes Maroto, o presidente do comité de empresa de Vestas dubida que se produza, “pero a convocatoria está lanzada e sería moi interesante que se involucrase o Goberno”.

Con todo, lembra que as competencias de industria “son plenas da Xunta de Galicia”. “Non creo que fose estritamente necesaria a presenza da ministra para chegar a bo porto”, matizou. Ademais, quéixase de que, “ultimamente”, o comité está “a ter moi pouco trato coa empresa, apenas o necesario”. “Como traballadores estamos a cumprir co noso traballo”, agrega.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...