Viveiro animará ás nenas a achegarse á ciencia este domingo co obradoiro “Muller e Ciencia”

O Concello de Viveiro busca con esta actividade visibilizar e reivindicar o traballo das mulleres científicas, moitas veces invisibilizado, en prol de acadar unha igualdade real.

Viveiro. CONCELLO DE VIVEIRO

O Concello de Viveiro organiza o obradoiro “Muller e ciencia”, dirixido á infancia, con motivo do Día Internacional da Muller e da Nena na Ciencia que se celebra mañá venres, 11 de febreiro.

Os obradoiros desenvolveranse este domingo, 13 de febreiro, en horario de mañá para nenos e nenas de 4 a 12 anos. Durante as actividades, que serán gratuítas, realizaranse accións divulgativas, de creación e experimentos, así como de coñecemento de figuras científicas femininas.

Os grupos e os horarios poden consultarse vía WhatsApp no teléfono: 654208333.

O Concello de Viveiro busca con esta actividade visibilizar e reivindicar o traballo das mulleres científicas, moitas veces invisibilizado, en prol de acadar unha igualdade real.

RESPOSTAR

Please enter your comment!
Please enter your name here