InicioOccidentalViveiroO BNG de Viveiro reclama a posta en marcha da zona de...

O BNG de Viveiro reclama a posta en marcha da zona de Portochao como área de aloxamento para caravanas turísticas

A formación nacionalista presentara en xuño de 2021 esta moción "cunha gran acollida cos concelleiros do BNG, PSOE, Por Viveiro e grupo mixto votando a favor e co PP absténdose, sen ningún voto en contra".

Publicada o

- Advertisement -

O BNG de Viveiro enviou un comunicado no que lembra a proposta enviada ao Concello “hai case un ano” sobre a posibilidade de abrir unha área para caravanas e autocaravanas en Portochao. O motivo detrás da proposta era o aumento deste tipo de turismo como consecuencia da pandemia por COVID.

A proposta fora lanzada pola concelleira Míriam Bermúdez que sinala a zona de Portochao como perfecta para esta modalidade de viaxe por turismo “xa que ofrece natureza e tranquilidade, contando xa o lugar con auga corrente, acceso a rede eléctrica, recollida de lixo e alcantarillado, polo que o investimento sería mínimo e a balanza entre gasto/rendimento, dende logo, decántase polo segundo.”

Desde o BNG apuntan a necesidade de consolidar Viveiro como un lugar de referencia para o autocaravanismo ante a “pouca oferta existente” no termo municipal. Así, estiman que se podería levar adiante o proxecto sinalado “sumando un empuxe económico máis” para Viveiro.

A formación nacionalista presentara en xuño de 2021 esta moción “cunha gran acollida cos concelleiros do BNG, PSOE, Por Viveiro e grupo mixto votando a favor e co PP absténdose, sen ningún voto en contra”. Por iso, desde o BNG e ante a proximidade do tempo de verán e vacacións instan a levar adiante os acordos plenarios.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...