O PP de Viveiro sinala a necesidade de actuacións nas beirarrúas do Pedregal e no Parque da Ínsua

Os populares sinalan que os veciños e veciñas das zonas afectadas "engaden outros puntos da parroquia nos que as vías están en moi mal estado, no Pedregal, calzada e beirarrúa e no Parque da Insua, un enclave turístico que está sen sinalizar".


O PP  de Viveiro sinala que a alcaldesa, María Loureiro, “non ten en conta o concepto de igualdade cando se trata de xestionar o concello” para que todos os veciños “vivan onde vivan teñan as mesmas oportunidades en canto ao acceso a infraestruturas e servizos”. Así, os concelleiros populares defenderán no pleno deste vindeiro martes unha iniciativa para mellorar calzadas e beirarrúas no barrio do Pedregal e nas Pallaregas.

Os populares lembran que no pleno de xullo do ano pasado presentaron un rogo no que denunciaban o mal estado das rúas na zona das Pallaregas e a falta de sinalización. “Como nada se fixo ao respecto, os veciños da parroquia de Covas seguen demandando o mantemento destas rúas” indican desde o PP viveirense.

Por outra parte, sinalan que os veciños e veciñas das zonas afectadas “engaden outros puntos da parroquia nos que as vías están en moi mal estado, no Pedregal, calzada e beirarrúa e no Parque da Insua, un enclave turístico que está sen sinalizar”.

INTERNET

O grupo municipal popular presenta tamén un rogo ao pleno para que o Concello faga as xestións necesarias para que os veciños do barrio de Escourido, en Covas, poidan ter acceso de calidade a Internet.

Os populares sinalan que “a posibilidade de acceder ou non a Internet ten tal relevancia nos nosos días que, por si mesma, pode marcar a diferenza entre prosperidade ou pobreza, coñecemento ou ignorancia”. Engaden que a veciñanza de escourido comunicou aos populares “as súas queixas e preocupacións polo deficiente servicio a internet que teñen, os que o teñen”.

O grupo que ten por portavoz a Óscar Rodríguez solicita ao equipo de goberno do Concello “que estude a maneira de mellorar ou dotar do servizo de Internet aos veciños do barrio de Escourido, lugar da parroquia de Covas”.

RESPOSTAR

Please enter your comment!
Please enter your name here