Industrias Xove e maila UXT chegaron a un acordo para que a empresa retire o Expediente de Regulación de Emprego (ERE) presentado pola firma, que supuña prescindir duns 30 traballadores, un tercio do cadro de persoal desta auxiliar de Alcoa San Cibrao.
A empresa, filial do grupo Noguera, espuxera a súa intención de iniciar un procedemento de despido colectivo ao non renovárselle os contratos de adxudicación das tarefas de limpeza ou de obra civil na fábrica cervense.
Os operarios desta firma tamén se encargan da construción de muros refractarios, cun contrato que expira o 31 de xaneiro.
Segundo explica Luís Cardoso, sindicalista da UXT, o sindicato maioritario -cun 99% da representación- consideraba “moi precipitado” o ERE e reclamaba que Alcoa instase ás empresas adxudicatarias dos servizos que perdeu Industrias Xove a contratar aos traballadores que ían ser cesados, os encargados de realizar estes traballos.
Así, os servizos xurídicos da empresa e os dos sindicatos chegaron a un acordo para suspender o ERE, ante a posibilidade de que os obreiros podan ser subrogados polas novas concesionarias dos contratos.
“VANTAXOSO PARA TODOS”
“Aquí non se trataba de que os obreiros non mantiveran un nivel de produtividade. Estes empregados ofrecen experiencia e seguridade nas súas tarefas. Sería vantaxoso para todos que as empresas concesionarias os recollesen e conservasen os postos de traballo”, expón Cardoso.
