IniciosociedadeA hostelería ribadense esíxelle a Portos medidas contra "a praga de mosquitos"

A hostelería ribadense esíxelle a Portos medidas contra “a praga de mosquitos”

Os comerciantes advirten de que a situación está a afectar ao casco urbano e temen que afecte a imaxe da vila a piques de comezar a tempada alta

Publicada o

- Advertisement -

Acisa Ribadeo esixe a Portos de Galicia que tome medidas para erradicar o antes posible a praga de mosquitos detectada no peirao de Mirasol hai uns días.

Desde a Asociación de Comerciantes, Industriais, Servizos e Autónomos advirten que “o problema, que está afectando gravemente á zona do porto, xa se está a notar no casco urbano onde a hostalería está moi preocupada”.

“É terrible ver unha tapa ou un prato cheo de mosquitos. Ou estar a tomar algo nunha barra cos mosquitos enriba de ti”, sinalan desde o colectivo que está a recoller as queixas “de asociados de hostalería, de comercio e tamén de servizos nas que nos alertaron da alarmante presenza de mosquitos de pequeno tamaño nas súas instalacións”.

A PIQUES DE COMEZAR A TEMPADA ALTA

A directiva de Acisa subliñou que “estamos a piques de iniciar a tempada alta en Ribadeo e estamos moi preocupados por esta situación, sobre todo porque se trata dun asunto relacionado coa saúde pública e coa mala imaxe que nestas datas, ás portas do inicio do Ribadeo Indiano, podemos ofrecer por mor desta praga de mosquitos”.

Os comerciantes ribadenses reclaman a Portos de Galicia que “tome as medidas axeitadas o antes posible para poñer fin a esta situación e que a vila luza a mellor imaxe posible durante este verán, no que agardamos recibir a milleiros de persoas que nos elixen para visitar lugares emblemáticos ou para pasar aquí as súas vacacións”.

MADEIRA AMOREADA NO PORTO

As queixas de Acisa súmanse as do Concello de Ribadeo que este xoves alertou a Portos de Galicia da existencia dunha praga de mosquitos ocasionada polo amoreamento de madeira no peirao de Mirasol.

 

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...