O paso dunha fronte con ventos de máis de 100 quilómetros por hora esta tarde de luns por Galicia deixou un total de 166 incidencias ata as 18,00 horas, con caídas de tellados e árbores, principalmente.
As provincias de Lugo (105 incidentes) e Ourense (43) foron as máis afectadas o impacto do temporal, seguidas da Coruña (10) e Pontevedra (8), segundo informa o 112 Galicia.
O refacho máximo de vento tivo lugar ás 17.20 horas na Pontenova con 145,6 quilómetros por hora (km/h), nunha xornada na que este municipio tamén cultivou o segundo maior rexistro de choivas (con 18 litros por metro cadrado), só por detrás de Ribadeo (18,6 litros). Ademais, dáse a circunstancia de que pola mañá este municipio lucense alcanzou temperaturas superiores aos 30 graos.
Os problemas na rede eléctrica tamén foron frecuentes nunha xornada na que caeu choiva a baldes, saraiba, lóstregos e tronos. Podes ler a información completa no Galicia Confidencial.
