IniciosociedadeOs arquivos municipais de Ribadeo e Barreiros xa están dixitalizados

Os arquivos municipais de Ribadeo e Barreiros xa están dixitalizados

O labor estano facendo os alumnos do obradoiro de emprego Vencellos da Memoria, que ten por obxectivo ofrecerlle aos participandes a posibilidade de formarse a adquirir experiencia laboral.

Publicada o

- Advertisement -

Os 16 alumnos e alumnas que participan no obradoiro de emprego Vencellos da Memoria están a traballar na organización e dixitalización dos fondos documentais dos concellos de Ribadeo e Barreiros. Durante unha visita a este último -acompañado pola alcaldesa, Ana Ermida, entre outros-, o delegado territorial da Xunta en Lugo, Javier Arias, tivo a oportunidade de coñecer algúns dos proxectos levados a cabo nos últimos meses.

Arias sinalou a importancia de “garantir a conservación do patrimonio documental que recolle a intrahistoria do municipio, e facilitar o acceso dos veciños e veciñas aos documentos administrativos de maior consulta”. Esta iniciativa entra na súa recta final xa que está previsto que remate no mes de setembro.

Neste sentido, Arias lembrou que terá continuidade nun novo obradoiro de características similares -denominado Territorio Vivo-, que tamén compartirán ambos concellos e igualmente dirixido a menores de 30 anos, co obxectivo de xerar novas oportunidades laborais para outros 16 mozos e mozas. Neste caso, xunto coa especialidade de Grabación e tratamento de datos, impartirase a de Interpretación e educación medioambiental.

Os obradoiros de emprego ofrecen aos participantes a posibilidade de formarse e adquirir experiencia profesional, mediante un contrato de traballo, en profesións de boas perspectivas de empregabilidade; ao mesmo tempo, desenvolven obras e servizos en beneficio dos municipios que os promoven.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...