Carreira reivindicativa en Ribadeo contra o feminicidio de Laura Luelmo

Durante o acto demandaranse políticas que promovan a igualdade real entre mulleres e homes

O Observatorio da Mariña pola Igualdade nunha mobilización. OMI

Ribadeo acollerá o domingo unha mobilización en resposta ao feminicidio de Laura Luelmo, a mestra de Zamora asasinada en Huelva.

O Observatorio da Mariña pola Igualdade, o Club de Atletismo de Ribadeo, o Concello e o Centro de Información á Muller (CIM) promoven este acto reivindicativo que terá como lema  “De camiño á casa quero ser libre, non valente”.

A convocatoria fai un chamamento a reunirse para camiñar e correr polas rúas da vila. O percorrido pasará pola Avenida de Galicia, a Avenida de Asturias ata a rotonda do barco, a rúa Vilalba e a rúa San Roque.

IMPLICACIÓN

“As mulleres non queremos ser valentes, queremos ser libres en igualdade de condicións”, indica a convocatoria.

“Esiximos a implicación de todas as forzas políticas e das administraciones públicas para garantir a nosa seguridade e formular políticas que promovan a igualdade real”, sinalan desde o Observatorio da Mariña.

A mobilización comezará ás 11.00 horas.

RESPOSTAR

Please enter your comment!
Please enter your name here