A Xunta de Galicia licitou as obras de mellora na estrada de titularidade autonómica LU-133, que une as localidades de Reme (Ribadeo) e Vilamar (Barreiros). A Consellería de Infraestruturas e Vivenda investirá preto dun millón de euros en mellorar a seguridade viaria e as condicións de circulación do tráfico nun treito que abrangue 11,5 quilómetros.
O delegado territorial da Xunta, José Manuel Balseiro, prevé que os traballos comecen nos primeiros días do mes de xullo, e terán un prazo de execución de catro meses. En concreto, actuarase entre a glorieta de intersección coa LU-P-6103 a Trabada e a entrada de San Vicente (puntos quilométricos 6,640-14,300), e entre a conexión coa LU-P-5207 a Ribadeo e o final da estrada, que dá á N-640.
ACTUACIÓNS
As obras consistirán na reparación do pavimento deteriorado, na regularización do firme a base de aglomerado e na aplicación dunha nova capa de rodaxe, do mesmo material. Tamén se procederá á reposición da sinalización horizontal e á colocación de novos elementos reflectantes de seguridade e resaltos sonoros nas marcas viais que delimitan a calzada. Isidro Otero é a empresa adxudicataria das actuacións. Ademais, substituiranse as barreiras existentes e colocaranse outras novas noutros puntos do traxecto. A empresa encargada dos traballos é Isidro Otero.
ACTUACIÓNS ANTERIORES
Segundo a previsión da Xunta, logo das actuacións anteriores nesta estrada, en 2015 e 2016, o investimento global na vía achegarase aos 1,5 millóns de euros.
