O alcalde de Ribadeo, Fernando Suárez Barcia, pide un comportamento individual responsable ante un datos que considera “bos”. “A pesar das máis de 100 persoas contaxiadas fai uns días xa pasamos a uns 40”, puntualizou o alcalde, que recorda á cidadanía que “as cousas poden verse truncadas se non se fan como se debería“. A día de hoxe hai un total de 43 casos activos no concello, polo que espera que “Ribadeo poida pasar nos vindeiros días ao nivel medio”, o que beneficiará á hostalaría, segundo recordou.
Por outra banda, tamén se referiu ao gromo detectado no Centro de atención ás Persoas Maiores de Ribadeo, que afecta a 6 residentes e 1 traballador. Polo momento, o resto de usuarios do centro seguen sendo negativos, tras o cribado feito na mañá do 9 de agosto. Suárez recordou que a quenda dos traballadores será o martes 10 a través do test de saliva, pois todos os traballadores deron negativo nas PCR do pasado venres.