Este venres terá lugar a observaión astronómica suspendida o pasado 13 de agosto.
Para o pasado 13 de agosto estaba prevista unha observación astronómica en Ribadeo, que debido á mala previsión meteorolóxica para aquela noite quedou aprazada para o 25 de agosto. Desde a Concellaría de Medio Ambiente sinalan que os pronósticos que manexaban para esa noite non son bos e entón decidiron adiantar esta actividade para a xornada deste venres.
Haberá, tal e como estaba previsto inicialmente, unha charla ás 21:30 horas no Teatro e a posterior observación astronómica na Praza de España. As pesrsoas interesadas deben de mandar un correo ou chamar á Área de Medio Ambiente (sostibilidade@ribadeo.org – 982 120 701).
Esta actividade, coa que colabora o Concello de Ribadeo, está organizada polo Observatorio Astronómico Ramón María Aller, que pertence á Universidade de Santiago de Compostela, e a Axencia de Turismo de Galicia coa que este verán leva a cabo o programa Camiños de Estrelas-Xacobeo 21/22.