InicioOrientalRibadeoDesfeitas na Atalaia e no Cargadoiro de Ribadeo polos botellóns dos últimos...

Desfeitas na Atalaia e no Cargadoiro de Ribadeo polos botellóns dos últimos días  

O concelleiro de Medio Ambiente pide a colaboración veciñal “para que si noutro momento se producen este tipo de feitos" se poñan en contacto coa Policía Local ou coa Garda Civil.

Publicada o

- Advertisement -

Os botellóns dos últimos días en Ribadeo deixaron como resultado varias desfeitas na zona da Atalaia e no Cargadoiro. O concelleiro de Medio Ambiente, Jorge Díaz, lamenta o sucedido e agarda que estes feitos non volvan producirse.

Desfeitas no Cargadoiro, en Ribadeo, polos botellóns / Concello de Ribadeo

O edil ribadense contou que “a pasada fin de semana foron varios os danos ocasionados no Cargadoiro, lugar que é elixido moitas veces para a práctica do botellón. Varias luminarias apareceron rotas alí. E na madrugada do martes ao mércores as desfeitas tiveron lugar na zona da Atalaia, onde foron arrancadas e tiradas algunhas placas de granito. Estamos falando de danos dunha contía importante”.

Jorge Díaz destacou que “non se poden entender este tipo de comportamentos. En primeiro lugar hai que lembrar que os botellóns non están permitidos e en segundo lugar non chego a comprender como forma de diversión emprendela a golpes co mobiliario urbano, que pagamos todas e todos os ribadenses cos nosos impostos”.

Por iso, o concelleiro de Medio Ambiente pide a colaboración veciñal “para que si noutro momento se producen este tipo de feitos e alguén ve algo ou escoita algo que, por favor, de xeito inmediato se poñan en contacto coa Policía Local ou coa Garda Civil para dar canto antes con estes incívicos”.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...