InicioOrientalRibadeoO alcalde de Ribadeo insiste na limpeza de faixas de seguridade contraincendios

O alcalde de Ribadeo insiste na limpeza de faixas de seguridade contraincendios

Nos vindeiros días serán enviadas 500 notificacións a aqueles propietarios que non está a cumprir coa lei de prevención e defensa contra os incendios forestais de Galicia, tras as inspeccións realizadas por SEAGA.

Publicada o

- Advertisement -

O alcalde de Ribadeo, Fernando Suárez, insiste en que “a adecuación das faixas de xestión de biomasa é unha necesidade que se debe ter presente todos os anos e non dun xeito puntual”. O SEAGA procedeu a inspeccionar as parroquias ribadenses co obxectivo de ver si se está a cumprir a lei de prevención e defensa contra os incendios forestais de Galicia e nos vindeiros días serán cursadas 500 comunicacións cos incumprimentos detectados.

O rexedor lembrou que “xa no 2017 desde o Concello iniciamos unha ardua tarefa á hora de facer cumprir a lei de prevención e defensa contra os incendios forestais de Galicia, en canto ás redes secundarias e ás faixas de xestión de toda a biomasa”.

Fernando Suárez dixo que “a lei autonómica establece que cada ano, e antes de maio, todas esas faixas de protección das vivendas e dos núcleos rurais deben estar totalmente limpas”. Suázrez Barcia tamén sinalou que durante os vindeiros días van ser cursadas unha serie de comunicacións en función da listaxe que entrega SEAGA acerca dos incumprimentos da lei de incendios de Galicia en canto ás redes secundarias.

O alcalde de Ribadeo engadiu que “calculamos que máis de cincocentas notificacións van ser cursadas novamente a todos estes propietarios para indicarlles que se lles vai dar un prazo extraordinario para que procedan a ter limpas as propiedades”.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...