InicioOrientalA Xunta inicia procedemento de desafiuzamento a un edificio de reparacións do...

A Xunta inicia procedemento de desafiuzamento a un edificio de reparacións do porto de Ribadeo ao caducar o permiso

A edificación deberá de ser abandonada nun prazo máximo de 10 días.

Publicada o

- Advertisement -

Portos de Galicia notificou o acordo de inicio de procedemento de desafiuzamento administrativo dun edificio do porto de Ribadeo dedicado á reparación de embarcacións.

Segundo figura este luns no Diario Oficial de Galicia (DOG), notifícase a JRGB, mediante a publicación no Boletín Oficial do Estado, o requirimento previo de desafiuzamento administrativo desta edificación ao non ser posible a comunicación a través do servizo de Correos no último domicilio coñecido.

Nun escrito asinado pola presidenta de Portos de Galicia, Susana Leguas, indícase que o expediente se tramita por “atoparse extinguida a autorización e non ser factible a súa renovación pola falta de concorrencia dos requisitos esixibles, incluídas as débedas existentes”.

De tal forma, a edificación deberá de ser abandonada nun prazo máximo de 10 días a contar desde a publicación da presente comunicación. Para iso, formalizarase coa entrega das chaves do peche exterior ao persoal de Portos de Galicia.

Ademais, poderanse facer alegacións durante 10 días hábiles e presentarse os documentos ou xustificacións que se estimen pertinentes.

O Goberno galego avisa de que de ser preciso o desafiuzamento, será executado co auxilio das Forzas e Corpos da Seguridade do Estado.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...