InicioOrientalRibadeoRibadeo saca a licitación as obras para mellorar e equipar a Escola...

Ribadeo saca a licitación as obras para mellorar e equipar a Escola Vella de Rinlo

O alcalde, Fernando Suárez, dixo que “como queremos ir cumprindo os nosos compromisos que fomos adquirindo cos veciños e veciñas de Rinlo, no día de hoxe sacamos a licitación pública as obras de mellora e equipamento da Escola Vella de Rinlo".

Publicada o

- Advertisement -

O Concello sacou a licitación as obras de mellora e equipamento da Escola Vella de Rinlo. O investimento ascenderá a 23.600 euros. As empresas interesadas poden presentar as súas ofertas ata o 21 de febreiro.

O alcalde, Fernando Suárez, dixo que “como queremos ir cumprindo os nosos compromisos que fomos adquirindo cos veciños e veciñas de Rinlo, no día de hoxe sacamos a licitación pública as obras de mellora e equipamento da Escola Vella de Rinlo. Este edificio vivo, con moita actividade, e que cumpre numerosas funcións, tanto de reunión veciñal, como para actividades sociais, culturais, de lecer, etc”.

O rexedor explicou que “por iso, redactouse un proxecto polo técnico municipal, que ascende a uns 23.600€ e que recolle todas as suxestións feitas pola asociación de veciños no seu momento, como foron as de arranxar os problemas de humidade, revisar a cuberta, reparar a carpintaría, eliminar os problemas de filtración de auga nos aseos, pintar e reparar a zona do peche da parcela, dotar de radiadores e mobiliario”.

Suárez Barcia indicou que “agora licitamos este proxecto e todas as empresas profesionais interesadas poderán presentar a súa oferta ata o vindeiro 21 de febreiro en sobre pechado, aquí nas oficinas xerais do Concello de Ribadeo.

O alcalde ribadense subliñou que “esta obra é posible grazas a que ao final do pasado ano asinamos un convenio de colaboración interadministrativa entre a Deputación de Lugo e mais o Concello de Ribadeo para financiar as obras de mellora e equipamento, logo de que a axuda que tiveramos solicitada á Xunta de Galicia para este fin a principios do ano anterior, viñera denegada lamentablemente. Continuamos agora, no proceso de mellora de locais parroquiais municipais, tal e como estamos a facer nestes últimos tempos en Covelas e en Cedofeita”.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...