InicioOrientalRibadeoBoa recepción ás actividades do Renacer no Cantil en Ribadeo que continuarán...

Boa recepción ás actividades do Renacer no Cantil en Ribadeo que continuarán o 22 e o 28 de maio

Piñeira foi o escenario elixido para o desenvolvemento dos Arrolos do Cantil na mañá do pasado sábado, unha actividade que foi impartida por Vanessa González, de Siete ranas verdes, profesora de ioga e guía de baños de bosque.

Publicada o

- Advertisement -

As actividades do Renacer do Cantil, organizadas pola Concellaría de Turismo, están a ter unha moi boa acollida. Todas as prazas se están a completar. Esta pasada fin de semana houbo arrolos o sábado e Tai Chi o domingo.

Piñeira foi o escenario elixido para o desenvolvemento dos Arrolos do Cantil na mañá do pasado sábado, unha actividade que foi impartida por Vanessa González, de Siete ranas verdes, profesora de ioga e guía de baños de bosque. A cita perseguiu o benestar físico e mental, a través de técnicas de relaxación na natureza, respirando aire fresco, apreciando o entorno, escoitando o son das ondas, sentindo a suavidade da herba fresca e os suxerentes aromas do mar. O entorno foi decorado para a ocasión.

E onte, domingo, no Cargadoiro tivo lugar unha sesión de Tai Chi. Héctor Peña introduciu aos asistentes no universo desta arte marcial que propicia a calma e o equilibrio interior a través dunha charla inicial, que deu paso á práctica das Oito Xoias. A xornada rematou cunha demostración das formas de Tai Chi.

ACTIVIDADES PARA O 22 E 28 DE MAIO

O 22 terá lugar A vida no cantil cos cinco sentidos. Xurxo Mouriño, biólogo profesional da Bioloxía da Conservación da Natureza propón a partires das 11 da mañá un paseo de campo para coñecer aos seus habitantes a través dos sentidos: as herbas e as flores, os paxaros, os insectos e anfibios. Será en Piñeira.

E o 28 de maio desenvolverase a Xeoruta dos Pregues, a cargo de Fran Canosa. Os participantes visitarán unha das maiores estruturas xeolóxicas da Mariña lucense, o gran pregue que se estende desde a ría de Foz ata a ría de Ribadeo e que se xerou hai máis de 350 millóns de anos. O percorrido dará comezo ás 11 da mañá en Piñeira.

A participación en todas estas actividades é gratuíta. As persoas interesadas en acudir poden anotarse na páxina web de Turismo: http://turismo.ribadeo.gal

Para as fins de semana do vindeiro mes de xuño están programados Baños de cores, Artesanía de namorar, Arte no Cantil e mapas sonoros (taller infantil) e tamén espectáculos ao aire libre a cargo de Os Quinquilláns Teatro.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...