O Concello de Trabada organiza unha excursión ao complexo histórico e recreativo das Minas Consuelo e Boulloso de Pontenova, dirixida a mozos e mozas que estean empadroados no municipio e con idades comprendidas entre 16 e 29 anos.
A excursión será o domingo 27 de marzo e o custo da mesma 15 euros por persoa para a comida, xa que o Concello de Trabada asume os gastos de transporte e de realización das actividades.
A visita inclúe a realización da ruta dos Fornos, un percorrido de sendeirismo guiado con entrada ao nivel cero da mina Consuelo, rematando co descenso en tirolina.
Aqueles mozos e mozas que desexen asistir deberán reservar praza chamando ao Concello de Trabada (982 13 50 11), sendo a data límite para a reserva da mesma o día 21 de marzo ás 14:00 horas.