InicioOrientalTrabadaTrabada denuncia que a Xunta lle denega unha subvención para a mellora...

Trabada denuncia que a Xunta lle denega unha subvención para a mellora de atención aos veciños

A subvención tamén se empregaría para subsanar problemas de humidades na casa consistorial.

Publicada o

- Advertisement -

A Xunta de Galicia notificoulle ao Concello de Trabada que lle denega unha subvención solicitada polo grupo de goberno municipal para unhas obras destinadas a mellorar a atención aos veciños e a subsanar as humidades da casa consistorial.

O proxecto técnico do concello destacaba a necesidade da reforma na casa consistorial de Trabada polas condicións das oficinas de atención ao público. A distribución de espazos non se corresponde cos servizos que actualmente se prestan nelas, polo que o que se pretende é mellorar a xestión diaria.

Ademais, detectáronse deficiencias nos paramentos interiores do edificio, principalmente derivadas do paso do tempo desde as últimas intervencións e ás condicións particulares da construción. Trátase de humidades no interior dos paramentos verticais exteriores.

A configuración do edificio, con dúas entradas enfrontadas que se deben conservar por condicións de accesibilidade, non permite a ampliación do espazo dispoñible para as oficinas xerais, polo que a solución adoptada era a redistribución e a renovación do mobiliario.

Para iso, o proxecto eliminaba as compartimentacións actuais de madeira e vidro e o mostrador de atención ao público. Na nova distribución hai dous despachos necesarios de reducidas dimensións e o resto da superficie dispoñible compártese nun espazo diáfano cun novo mostrador máis pequeno para rexistro. Desa forma, permítese que os veciños que veñan realizar as xestións estean sentados e atendidos de forma individual.

O orzamento para esta reforma e o arranxo do problema de humidades no Concello de Trabada ascende a 50.000 euros.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...