InicioPolíticaCastiñeira aspira a gañar con maioría absoluta, que cre "xusta co noso...

Castiñeira aspira a gañar con maioría absoluta, que cre “xusta co noso traballo”

Tras gobernar en minoría desde 2011, o rexedor popular de Foz presentarase á reelección coa intención de non depender de pactos

Publicada o

- Advertisement -

O alcalde de Foz, o popular Javier Jorge Castiñeira, presentarase á reelección nas vindeiras eleccións municipais. Así o anunciou este xoves, nun acto no hotel Leytón no que participaron a presidenta provincial do PP, Elena Candia, e o portavoz adxunto do grupo conservador no Senado, Xosé Manuel Barreiro.

Castiñeira, que goberna en minoría desde 2011, resaltou que se presenta “cunha maior experiencia” e que o goberno focego acadou “cousas impensables hai oito anos, como aprobar o Plan Xeral de Ordenación Municipal”.

Ademais, subliñou que “tamén conseguimos que funcione a residencia de maiores, que é cousa de quince días.

O candidato dos populares subliñou que “chegamos a pactos e acordos con practicamente todos os partidos da corporación municipal”. Con todo, argumentou que “unha maioría absoluta sería xusta co traballo feito nestes anos”.

“DIÁLOGO”

Pola súa banda, Candia, destacou de Castiñeira “a súa capacidade de diálogo de chegar a acordos e de resolver problemas”, ademais da “súa habilidade para atraer investimentos, cos que logrou mellorar a imaxe da vila de Foz”.

TRES CANDIDATOS DESVELADOS

Por agora, ademais do PP, o PSdeG presentou candidato en Foz, Fran Cajoto, que o pasado mércores avanzou un dos proxectos do seu programa electoral, o dunha avenida para dotar á vila dun terceiro acceso desde a N-642.

Tamén o fixo Compromiso por Galicia (CxG), que presentou a Damián Sánchez como cabeza de listaxe. 

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...