InicioPolíticaO BNG de Barreiros critica que empresas privadas limpen as beirarrúas

O BNG de Barreiros critica que empresas privadas limpen as beirarrúas

Os nacionalistas defenden que é máis barato encargar estas tarefas a persoal municipal

Publicada o

- Advertisement -

O BNG de Barreiros cuestiona a xestión da limpeza de beirarrúas no municipio. A voceira dos nacionalistas, Ana Ermida, asegura que “o goberno municipal é incapaz de xestionar os recursos humanos propios para prestar servizos”, polo que “contrata empresas para facer traballos que poderían facerse con persoal municipal”.

O grupo municipal do BNG asegura que “son empresas privadas de novo as que están a facer labores de limpeza de beirarrúas en San Miguel de Reinante ou San Cosme de Barreiros”. Segundo afirma Ermida, “a desorganización é tal que semanas atrás esas mesmas firmas, que nalgúns casos prestan outros servizos ao Concello cun notable custo, comezaban a limpar os paseos marítimos a cachos, sen sequera recoller os restos”.

“ENDEBEDAMENTO”

Para o BNG de Barreiros, o Concello está a gastar o que non ten. “Recentemente, o alcalde, Alfonso Fuente, aseguraba que podía rebaixar as partidas adicadas a desbroces e limpeza porque, grazas a unha mellor organización, estes traballos poderíanse facer con medios propios. A realidade é que o goberno local volve incorrer en gastos que non poderá afrontar, sen planificación, e aumenta o burato económico que cada vez é maior”, sinala Ermida.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...