InicioPolíticaJosé Hermida será o candidato do PP á alcaldía de Ourol

José Hermida será o candidato do PP á alcaldía de Ourol

O empresario do sector agroforestal aspira a recuperar o goberno, perdido no 2015 polo partido conservador

Publicada o

- Advertisement -

José Hermida Corbelle será o candidato do Partido Popular (PP) á alcaldía de OurolO empresario do sector agrario e forestal solicitou a súa alta como membro dos populares lucenses.

Hermida cre que o municipio precisa “da instalación de novos veciños”. Para iso, remarca, é preciso “ofrecer servizos”, apostando por “mellorar a atención dos nosos maiores e de establecer un servizo de comida a domicilio para as persoas dependentes”. O candidato popular aspira á implantación dun centro de día no concello.

O candidato popular tamén fai fincapé en que “é preciso ofrecer o alugueiro de naves no polígono industrial a bo prezo para fomentar o asentamento de novas empresas”.

Tendo en conta que o forestal é o sector económico máis destacado en Ourol, o alcaldable do PP propón “o establecemento de acordos coas comunidades de montes para o arranxo e apertura de pistas forestais”.

PACTO FRUSTRADO CON CxG

Hermida substituirá como candidato conservador a Marcial Sanjurjo, alcalde de Ourol de 2007 a 2015, que perdeu a alcaldía en favor do PSOE despois de pretender pactar con José Ramón Vázquez, ex tenente de alcalde do PP que concorreu baixo as siglas de Compromiso por Galicia (CxG) aos comicios de 2015.

Os populares obtiveran tres concelleiros e CxG, dous, por catro dos socialistas. A decisión de Sanjurjo de facer alcalde a Vázquez provocou a marcha da edil do PP Begoña Moreiras, que impulsou á alcaldía ao socialista José Luis Pajón.

PERSOAS “COMPROMETIDAS”

A presidenta provincial do PP, Elena Candia, afirma que os conservadores pretenden “seguir sumando e integrando persoas comprometidas coa veciñanza”.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...