O BNG de Burela urxe a solventar o problema do pavillón

Os nacionalistas levarán ao pleno a redacción dun proxecto de construción dun novo recinto ou do arranxo de Vista Alegre

Representantes do BNG, fronte ao pavillón de Vista Alegre. AXM

O Bloque Nacionalista Galego (BNG) de Burela presentará unha moción no pleno para urxir ao goberno local a que redacte un proxecto de reforma do pavillón de Vista Alegre ou para a construción dun novo recinto. Ademais, propón que Concello inste á Xunta de Galicia e á Deputación de Lugo a que cofinancien a obra.

Segundo a Liga Nacional de Fútbol Sala (LNFS), Vista Alegre non cumpre a normativa de pavillóns establecida no 2016. Deste xeito, o Pescados Rubén Burela solicitou semanas atrás ao Concello de Viveiro a posibilidade de utilizar as instalacións municipais.

VARIOS CLUBS AFECTADOS

O voceiro do grupo municipal do BNG, Mario Pillado, lembra que “non só esta implicado neste asunto o CD Burela FS, senón que de xeito mais ou menos directo, o CB Burela, o Clube de Tenis, a Escola de Ximnasia Porta Norte, a actividade de patinaxe, os clubes ciclistas Cerezo e Burela, a Fundación Eu Son, a Asociación de Axuda ó Enfermo Mental da Mariña ou incluso a AFD Porto de Burela vense limitados no seu traballo polo colapso que sofren as instalacións deportivas do municipio”, asegura.

É habitual que adestramentos destas entidades se desenvolvan en lugares limítrofes coma Cangas, Nois, Marzán ou San Cibrao pola falta de horario para todos os colectivos”, remata.

RESPOSTAR

Please enter your comment!
Please enter your name here