InicioPolíticaFeijóo pide o "voto útil" en Burela para "non entregar España" aos...

Feijóo pide o “voto útil” en Burela para “non entregar España” aos independentistas

O presidente da Xunta arroupou ao candidato do PP no municipio, Manuel Rouco, acompañado da presidenta provincial, Elena Candia, e o número 1 ao Congreso por Lugo, De Olano

Publicada o

- Advertisement -

O presidente da Xunta de Galicia, Alberto Núñez Feijóo, arroupou este sábado en Burela ao candidato do PP á alcaldía do municipio, Manuel Rouco.

Coa presencia da presidenta provincial do PP, Elena Candia, e do cabeza de listaxe dos populares ao Congreso dos Deputados por Lugo, Jaime de Olano, o mitin centrouse nas eleccións xerais. O responsable do Goberno autonómico chamou ao “voto útil” para dar “unha maioría ampla” ao Partido Popular “porque é o que precisa Galicia”.

Feijóo advertiu dos “riscos” de “entregar España, a través das mans de Pedro Sánchez, a nacionalistas e independentistas”.

No tocante a Burela, destacou o “compromiso” da Xunta coa “renovación integral do Hospital Público da Mariña, a nova escola infantil, o acceso ao porto, a reforma do colexio Virxe do Carme e a ampliación do porto co segundo martelo”.

Candia, pola súa parte, apelou á “unidade”, porque, segundo puxo de relevo, “votar ao PSOE é estar do lado dos que non buscan unha solución para Alcoa e retrasan a A-74. Con Sánchez, á nosa comarca só lle tocan as sobras”, afirmou.

O CONCELLO, “SEN FOLLA DE RUTA”

Os burelaos saben que só o PP achega coherencia. Os burelaos sábeno ben. Ata 2015 este Concello tiña unha folla de ruta clara, que se traducía en investimentos e proxectos cuxos únicos destinatarios eran os veciños. Dende esa data, o que temos é un despropósito”, asegurou.

De Olano referiuse tamén a Alcoa para insistir na “preocupación” do PP “polo futuro da planta de San Cibrao”. O número 1 ao Congreso polos populares de Lugo asegurou que, de gobernar, Pablo Casado “retomará todos e cada un dos proxectos que Rajoy deixou encamiñados para A Mariña Lucense”.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...