O Partido Popular (PP) de Alfoz anunciou o pasado mércores a súa candidatura para as eleccións xerais. Máis da metade dos membros da lista –9 de 16– son novos nela respecto á anterior convocatoria electoral.
Os conservadores destacan que se inclúe “moita xente nova na lista, sendo a máis xove unha rapaza de 20 anos e o máis maior un home de 68 anos. A media de idade dos membros da lista é de 39,5 anos”.
Ademais, entre os candidatos que compoñen a listaxe “hai diversidade de cualificación profesional. Hai gandeiros, profesores, empresarios, veterinarios ou albaneis”, remarcan.
O acto de presentación da candidatura popular vaise celebrar o vindeiro 10 de maio no Restaurante A Naranja, de Carballido.
CANDIDATURA
Juan José Fraga Paz, enxeñeiro agrícola e concelleiro en Alfoz durante doce anos, será o número 2. O 3 é para a florista Raquel Rouco Iglesias, e o 4 para o administrativo Jacobo Geada Adrio.
Jésica García Fraga, Daniel Rejes Trobo, Marco Vázquez López, Nerea Pena Vigo, Alberto Souto Franco, Ana Martínez Rego, José Juan Lorenzo Rubal, Fernando Rico Val, Iván Fernández Pernas, Rebeca Fraga Paz, Gerardo Cao Veiga e Jesús Paz Pumares completan a listaxe.