O PP de Cervo presentou este martes a súa candidatura para as eleccións municipais en Cervo. O actual rexedor cervense, Alfonso Villares, asegura que formou “un equipo que combina experiencia e xuventude para seguir a traballar polo municipio os vindeiros catro anos”.
O alcaldable do PP cervense presenta “unha lista paritaria, integrada na súa totalidade por veciños e residentes no noso concello. Coñecedores, pois, das necesidades da veciñanza, e con moita ilusión, ideas e proxectos de futuro para os vindeiros anos”.
A edil de cultura e educación, Dolores García Caramés (número 2), a concelleira de medio ambiente e turismo, Mali Méndez (número 3), Alfredo Fernández “Fero” (número 5), responsable de rexime interno e patrimonio, Pilar Armada (número 7), delegada de servizos sociais e igualdade, e Plácido Pérez (número 8), tenente de alcalde.
Ademais, Villares contou con Antonio Basanta (número 9), Yolanda Pedreira (suplente), Inés Cobas (suplente) e con José Manuel Balseiro (suplente), que repiten na lista.
TRES DEBUTANTES NA POLÍTICA LOCAL
A principais novidades do PP cervense é a incorporación nos primeiros postos de David Rodríguez (número 4), Denise Galán (número 6) e Sabela Ribas (número 10). Son “tres mozos de Cervo que se suman ao proxecto e debutan en política con moitas ganas e coa aspiración de poder facer realidade esas ideas que traen para que Cervo poida seguir crecendo”, expón Villares.
PROGRAMA
O candidato do PP á alcaldía de Cervo afirmou que o programa que presentará o partido conservador “é realista, factible e ilusionante, e está asentado sobre unha xestión económica responsable que permite materializar todos eses proxectos que teñen o único obxectivo de mellorar o día a día de toda a veciñanza en igualdade de condicións”.
