InicioPolíticaO PP de Trabada denuncia que o pleno de organización está "fóra...

O PP de Trabada denuncia que o pleno de organización está “fóra de prazo”

Os conservadores atribúen o retraso en convocar a sesión plenaria á alcaldesa, á que acusan de "deixadez de funcións"

Publicada o

- Advertisement -

O Partido Popular (PP) de Trabada criticou ao goberno socialista por convocar o pleno de organizaciónfóra de prazo”. Trátase dunha cuestión que o grupo conservador considera que “non é menor”, senón que “é un asunto de vital importancia para comezar a traballar canto antes e atender ás demandas da veciñanza”.

Segundo expoñen os populares, o Real Decreto 2568/86, polo que se aproba o Regulamento de Organización, Funcionamento e Rexime Xurídico das Corporacións Locais, a sesión plenaria organizativa debía ser convocada no prazo de un mes desde o pleno constitutivo, celebrado o pasado 15 de xuño.

O PP trabadense argumenta que dilatar a súa celebración implica que “aínda non saibamos que responsabilidades van coller os concelleiros do PSdeG-PSOE, proposta de salarios, periodicidade dos plenos e das xuntas de goberno, no caso de que as haxa”. Cuestións, afirman, “todas ellas vitais para o funcionamento do día a día do Concello”.

Os edís do PP en Trabada censuran que, “o que debera ser un paso inmediato, a rexedora o demorase ata o punto de que “xa é imposible que se celebre nos tempos fixados organicamente”, e non descartan que “esta deixación de funcións” veña dada polas novas responsabilidades que a alcaldesa vén de asumir na Deputación Provincial de Lugo”.

A rexedora, a socialista Mayra García Bermúdez, manterá as áreas que levou no anterior mandato.

INSTAN AO GOBERNO A “TER AS COUSAS AO DÍA”

O voceiro dos populares trabadenses, José María Fernández, cre que estas competencias “poden facer que xa se esquecese de Trabada e dos asuntos municipais. Sería moi grave que se demostrase que á alcaldesa lle interesa máis ir a Lugo que atender aos seus veciños”, conclúe.

Vázquez agarda que esta sexa “a última” ocasión na que se produza “un episodio semellante” e insta á rexedora a que “manteña ao día” os asuntos municipais, pois isto, indica, “é o mínimo que debe facer logo de obter a confianza da cidadanía nas urnas”.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...